AS ABORTENHAS (Asphodelus lusitanicus)

«Rompem  as Pugas, começa a primavera», diziam os velhos.

O dia 21 entrou o equinóccio da primavera, mas como todos os anos é a natureza  a que nos faz ver a sua chegada. Voltan as Andurinhas da sua emigraçom. Os abrunheiros estoupam em branco. Nascem as abortenhas. «Quando venhem as abortenhas, vem a erva pro gando». Dentre as folhas sai umha Fror cum rabo longo que se chama Gamóm, Cucha ou Cucha Mona. As crianças faziam carros de bois com as cuchas. O ladrizo e o loro eram de Queiroas ou arume. Das cuchas saem despois uns froitos que se chamam bogas (boghas) que os cativos utilizavam para tirar cos Tira-Bogas ou escopeta de bieiteiro. Coas folhas fazian-se Molidos para levar cestos de espigas ou selhas de auga a cabeça. Tamén tenho escoitado que o zume de suas raízes cura males da pele.
 A tradiçom oral do rural morre, e com ela o saber mamado o longo dos tempos. Aqui vos deixo testemunho desta tradiçom oral.